Our Town

“Does anyone ever realise life while they live it… every, every minute?”

Tref fach dawel yw Grover’s Corners, yn llawn pobl gyffredin, yn byw eu bywydau beunyddiol. Maen nhw’n gweithio, yn chwerthin, yn canu, yn cwympo mewn cariad, yn magu eu plant ac yn tyfu’n hen.

Ond yn yr eiliadau yna o fywyd cyffredin bob dydd, mae gwirioneddau sy’n cyffwrdd â ni i gyd. A galw angerddol i werthfawrogi pob eiliad, yr eiliad hon, pan allwn ni.

Our Town yw campwaith y dramodydd o America, Thornton Wilder, ac yn y cynhyrchiad newydd hwn ceir y stori o safbwynt Cymreig, gan ddod â bywyd a bywiogrwydd o’r newydd sy’n taro tant â chynulleidfaoedd modern.

Pan greodd Dylan Thomas ei fersiwn ei hun o fywyd pentrefol yn Dan y Wenallt, dywedir ei fod yn gyfarwydd â Wilder a’r ddrama hon. Mae’r cysylltiad cyffredin hwnnw’n golygu mai Our Town yw’r cynhyrchiad perffaith i fod yn gynhyrchiad cyntaf i’r WNT, gan ddangos doniau gorau Cymru mewn drama sy’n taro tant oesol a byd-eang.

Meddai Michael Sheen: “Mae Our Town yn ddrama am fywyd, cariad a chymuned. Dyna sy’n bwysig i ni yng Nghymru; dyna sy’n bwysig i fi. Mae’n ddrama sy’n ein cymell ni i ddathlu’r beunyddiol, i werthfawrogi’r rhai sy’n annwyl i ni. Alla i ddim meddwl am ddrama well i groesawu cynulleidfaoedd ledled Cymru ac yn Llundain i’r Welsh National Theatre, ochr yn ochr â’n partneriaid cyd-gynhyrchu The Rose Theatre.”